Rruga e integrimit të Shqipërisë në Bashkimin Evropian duhet të kalojë në filtra të shumta. Çdo sektor i këtij vendi duhet të përafrojë kushtet dhe standardet, që kërkojnë vendet e BE-së.
Përkatësisht karburantet, duhani, bujqësia janë tre sektorët, që Bashkimi Evropian do t’i shkundë deri në themel. Kështu shprehet drejtuesi ekzekutiv i Creative Business Solutions (CBS), Enio Jaco.
Në prezantimin e raportit “Impakti i Tranzicionit në BE në Ekonominë Shqiptare”, Jaco thotë se në Shqipëri, pritet të mbyllen mbi 900 pika karburanti.
Po ashtu edhe konsumi i duhanit pritet të bjerë me 80% dhe shumë ferma blegtorale, përkatësisht 180 mijë të tilla rrezikojnë mbylljen për shkak të konkurrencës europiane.
“Deri në vitin 2050, zbatimi i politikave të harmonizuara me BE-në në të gjithë këta sektorë parashikohet të rezultojë në një humbje kumulative vjetore të të ardhurave fiskale që tejkalon 620 milionë euro, që përfaqëson gati 3% të PBB-së.Duke pasur parasysh shkallën aktuale të rritjes së PBB-së së vendit prej 3.3%, një humbje e tillë mund të përfaqësojë ndryshimin kritik midis rritjes së qëndrueshme të moderuar ekonomike dhe stagnimit të mundshëm”, thuhet në raport.
Ai thekson se në çdo sfidë ka mundësitë e veta, por për kapjen e trenit të zhvillimit, të gjithë aktorët shoqërorë duhet të përgatiten shumë mirë.
Sipas tij, fokusi është te agjenda e gjelbër dhe te zhvillimi i teknologjisë, projekte këto, që duhet t’i përvetësojmë dhe të mësojmë prej tyre.
Postimi i Enio Jaco:
Karburantet, Duhani, Bujqësia – tre sektorë që BE-ja do t’i shkundë deri në themel.
Në prezantimin mbi raportin “Impakti i Tranzicionit në BE në Ekonominë Shqiptare”, ndamë fakte që nuk i gjen në lajme:
930 pika karburanti drejt mbylljes,
Konsumi i duhanit pritet të bjerë me 80%,
180,000 ferma të vogla në rrezik nga konkurrenca europiane.
Por në çdo sfidë fshihet një Mundësi.
BE sjell akses në Miliarda euro fonde, një agjendë të Gjelbër për të investuar në Teknologji, dhe një rrugë të re për bujqësinë moderne shqiptare.
Ky raport nuk është thjesht analizë. Është një sinjal alarmi që thotë: “Bëhu gati ose mbetesh pas.”
Per ata qe duan te lexojne raportin: